2025傑出大學生出爐！20名大學生獲得$5000-$10000 獎學金

一起見證「傑出」的新定義：不只會讀書，更要會貢獻！

• 「傑出」不再局限於成績，而是將知識與能力轉化為服務社會的動力，回饋社會創造共贏價值。

• 本周一（11月10日）超級熱鬧！我哋香港明德會舉辦嘅「2025香港傑出大學生選舉」頒獎典禮順利舉行，20位非常優秀的大學生脫穎而出！🎉

• 今次我哋請來咗唔少重磅嘉賓，包括民政及青年事務局青年專員陳瑞緯先生 同前教育局局長吳克儉先生GBS JP，一齊見證呢班未來社會棟樑嘅誕生！

「傑出」唔只睇成績？仲要睇呢樣！

• 我哋由2022年開始搞呢個選舉，就一直相信，真正嘅「傑出」唔應該只係成績表上的數字。所以，參加者唔單止要學業厲害，仲要落手落腳參與社會服務！我哋選舉最特別嘅地方係同不同機構合辦嘅工作坊同義工服務，例如有立法會議員郭玲麗分享Career Path、創業、理財工作坊、惜食堂賽馬會食品製作義工服務、鯉魚門淨灘義工服務等等，我哋希望幫大家裝備自己，全方位升級！

主席有話兒！

• 我哋嘅創會主席李尚仁博士都好開心見到活動一年比一年多人參加，由第一屆約100人報名，到今年已經超過300人！證明越來越多大學生認同我哋「貢獻社會」嘅理念。佢寄語所有得獎同學：「繼續保持呢團火，喺唔同領域發光發亮，回饋社會！」

• 一齊睇下頒獎典禮嘅盛況！

• 恭喜所有得獎者！

你哋用行動證明咗，新世代的「傑出」，就係用自己嘅力量，讓社會變得更好。你哋唔止係學霸，更係充滿溫度和責任感嘅未來領袖！👏

 

明德會會繼續努力，為香港青年提供更多元、更好玩嘅發展機會！想同佢哋一樣咁傑出？記住Follow住我哋，下屆等你嚟挑戰！💪

 

想知多啲？聯絡我哋！
香港明德會 66764698
info@hkmingde.org

 

相關報章

• 「香港傑出大學生選舉」圓滿舉行 主席李尚仁冀得獎者貢獻社會

報道一 ：etnet

報道二 ：am730

報道三 ：BusinessFocus